Sunday, November 2, 2008

يـــــومـــــــيــــــات بــــنـــوتــــة 1

مرسلة بواسطة pakinam ismail في 2:30 PM

انا قررت اكتبلكوا يومياتى عشان تتجننوا معايا شويه وتشاركونى الصداع شويه انا اصغر واحده فى العمارة والباقى اطفال والحمد لله .. وعندى جارتيين هما دولا اللى انا على علاقه بيهم الاولى شوشو عنده ياسين سنتيين ونص كده ما شاء الله لما بيزن بيكون ولا اوبرا عايدة فى احلى لياليها .. والتانيه بيرو عنده مهند 4 سنيين مقتنع انى صخبته وانه لما يكبر هيتجوزنى وبيروح ما شاء الله يحكى لجدو وجدته وللحضانه عن كوكى اللى هوه انا وهما فاكريين كوكى دى قده كده الحمد لله سخطنى وانا والله حلمى انى ارجع طفله تانى يلا احلام بقى ..مهند ده غلباوى قوى وغير منظم بالمرة وذكى موت وبيلقط اى كلمه ببغان من الاخر يا جماعه التانى بقى مازن ودلعه ميكى 9 شهور بموت فيه وهوه كمان اول ما يشوفنى يضحكلى على طول ويسحف عشان يجيلى وهادى كده

وفى حاله مشكلته انه بيشرب ميه كتيير او الصح بيغرق نفسه وغسيله كتتير طبعا
وبيرو ما شاء الله حامل فى بيبى كمان الله يكون فى عونها بصراحه .المهم الاختين الحلويين شوشو وبيرو بيحسدونى طول اليوم انى لسه مدخلتش دنيا زيهم وكل مارجع من الشغل الاقى كل واحده فيهم متصله بيا وعايزانى اقعد معاها رغم الاتنيين شقتهم جنب بعض بس كويس انا الصدر الحنيين ليهمجيت وانا تعبانه مرة من الشغل ولقيت شوشو بتكلمنى بتقولى انا مخنوقه وعايزة انزل اى مكان قلتلها الجو برد طيب هاكل عشان لسه جايه ونشوف القصه دى وقفلت السماعه والاقى التليفون بيرن تانى الاقى بيرو بتسوط وتقولى مخنوقه انا عايزة اخرج انا على اخرى هههههه بجد انا تنحت الاتنيين مرة واحده كدهروحت طلعه للاتنيين وقعدنا مع بعض وطبعا الخروج بالنسبلهم فاشل هنخرج ازاى بالكتاكيت بتوعهم المهم عملتلهم فشار كده وقعدت اضحكهم بس والله صعبوا عليا حسسونى بانهم امهات فى المنفى؟رجالتهم طول الوقت فى الشغل ويوم الاجازة نوم وصمت طول الوقت ومش عارفه ايه حكايه ان كل واحده فيهم لما بتكلموا يبص فى السقف ويتأمله ولا كأنه سمعها اصلا

بجد قعدت اسمعهم واقول فى سرى يالهويززززززززززز انا حالى هيبقى كده ولا ايه دانا احبطت كده يعنى ايه اصوم اصوم ويبقى حالى زيهم كده المهم العيال ما شاء الله بيعيطوا فى نفس واحد روحهم عاليه قوى بيحبوا يشجعوا بعض روحت مسكتا كل واحد وقعدت اجرى والعب معاهم وقعدنا نضحك ضحك .وروحت خاتمه القعده دى انى غنيت ليهم اغنيه متحسبوش يا بنات ان الجواز راحه ومتزعلوش يا بنات لو قلنا بصراحه ان الجواز عمره عمره ما كان راحه وطبعا انضربت منهم لانهم اتغاظوا انى لسه بنوته بس والله هما مش عارفيين ان بردوا حياتهم حلوة كفايه بس ضحكه اولادهمالمهم نزلت ولقيت مهند حبيبى بيقولى باباى يا خالتو بجد كانت طلعه من بقه زى العسل فى يوم تانى روحت انا وشوشو خدنا الاستاذ ياسين وروحنا كارفور المعادى عشان الملاهى وعلى اللى حصل ؟

!! هروح اقتح الباب ياحسن بيخبطوا اوعوا تقولوا انى قلت حاجه ده سر بينا


ضع تعليقك

34 التعليقات:

yomna said...

هههههههههههه..... لا بجد جميله اوي

استمرييييييييي انا منتظره الباقي

علي فكره انا اخدت مدونتك من الجروب اللي في الفيس بوك اللي هوا يوميات بنوته :)

pakinam ismail said...

مرسى يا جميله لمشاركتك السكر دى وانا سعيده انك اول بنتوه تشاركنى ويارب متكنش اخر مرة

وانتظرى المزيد من عنيا يا قمر

:))

Mostafa said...

مبروك يا كوكى
وان شاء الله هتبقى مدونه ناجحه لانها تستحق فعلا النجاح

Mostafa said...

مبروك يا كوكى انا رانيا مصطفى يا جميل معلشى الاكونت باسم مصطفى فطلع التعليق باسمه

pakinam ismail said...

هههههههههه انا قلت مصطفى ده جه منين

اهلا رانياااااا الله يبارك فيكى ومرسى

لتشجيعك الجميل ده ودعواتك ليا

:)

Anonymous said...

very nice,7elwa awy

Anonymous said...

gamila awiy ya koky w 3aizeen na3raf el ba2y

pakinam ismail said...

merci kteer l kalmko ekgamel da

:))

Anonymous said...

gameela awee ya koky

pakinam ismail said...

merciii eman ahlen beky

:))

Aml Aly said...

الله ينور يا كوكي
طبعا مش محتاجة اقولك رأيي

بس بجد سلمت يمناكي ويسراكي عشان ماتزعلش :D

GO ON

Aml Aly said...

نسيت أقولك

أنا

Aml Ali

pakinam ismail said...

مرسى امل واهلا بيكى فى المدونة

ويارب تشرفينى دايما

وانتظرى المزيد

:))

Anonymous said...

الله بجد انا نفسى ابقى جارتك و يبقى عندى جيرانك الجمال دول ....موضوعك هايل و مستنيه منك اجدد الموضوعات ...

انا امل محمود من اليكس و ان شاء الله هابقى من متابعينك يا كوكى

pakinam ismail said...

اهلا امل نورتينى فى يومياتى ويلا تعالى شاركينى وشاركى جيرانى يومياتهم العجيبه

مش هقلك لا بالعكس شيلى من عليا شوية

:))

وسلامى لاهل اليكس كلهم وهستنى تتابعى باقى اليوميات وهيا موجوده بالفعل

وشكرا للمشاركتك
:)

Ayman Mohamed Abd elmoneem said...

ايه يابنتى الجمال دا؟؟؟؟بجد حاجات تجنن انا قرأت اول يوميات بس نفسى اشوف الباقى......تسلم ايديكى

pakinam ismail said...

شكرا ايمن لمشاركتك ورايك الجميل

وفى 3 يوميات كمان بالفعل موجوديين

ياريت تتابعهم وتنظر المزيد

......................

emy khokha said...

اية الجمال دة يا ريتنى كنت جارتك لما اتجوز واجيب عيال هاجى اسكن عندكم يا كوكى والله حياة العزوبية احسن اسالينى انا :)

emy khokha said...

عارفة يا كوكى فى تصرفات مع الاطفال بجد بتفكرينى بنفسى هما كدة البنات لما بيبقوا بعيد عن الاطفال بيحبوهم انما لما بيبقوا ولادهم بيبقوا عاوزين يقتلوهم ومش طايقينهم انتى عسل والله

emy khokha said...

كوكى لو عندك اكونت على الفيس ياريت تضيفينى على الايميل دة EMO_SEMSEM5@YAHOO.COMشكرا ليكى يا جميل بجد انتى بتفكرينى بنفسى هههههههه

pakinam ismail said...

اهلااااا ايمى بجد شرفتينى يا سكر

مرسى كتير ليكى

وزورينا تجدى ما يسرك

:)))

لا بردوا يا ايمى العزوبيه وحشه بردوا امال ننكاف فى مين يعنى

واربى اولادى اولى انى اربي ولاد الجيراه

وكلنا لها

:))

من عنيا حاضر ومرسى بجد ليكى وتابعينى دايما

:)

hamozy said...

ايه الكلام الجامد ده

بجد اسلوبك هايل اوي

انا قريت اول حلقه وهكمل الباقي بس قلت احجز مكان للرد

انا هاخد اليوميات دي وانشرها عندي في جروب بنات قمرات وبس في الفيس بوك

ربنا يوفقك

hamozy said...

علي فكره الاكونت باسم اخويه

بس انا هعمل اكونت ليه

pakinam ismail said...

شكرا كتير ليك ومرسى انها عجبتك وانك كمان هتنشرها بجروبك وانا هدخل واشوفه ويارب كل الناس تعجبها

ومرسى لمشاركتك

pakinam ismail said...

اسفه انتى بنوتة بس معرفتش اسمك ومرسى كتير ليكى ويارب تنورينى دايما

:)

Anonymous said...

اوك مش هقول لحد
عسولة اوى وان شاء الله اكمل قرايتهم

pakinam ismail said...

مرسى للمجامله الجميله دى وفى انتظار متابعه باقى اليوميات ومعرفه رايكم

:)

أية جمال said...

جميله اوووووووى
انا هاكمل الباقى بس قولت لازم اسيبلك تعليق هنا
لانها جميله بجد
وربنا يوفقك وتمتعينا دايما

pakinam ismail said...

مرسى ايه نورتينى يا جميلة

ومرسى لكلامك الجميل واهلا بيكى بأى

وقت ومستنياكى دايماً

Anonymous said...

هههههههههههه متخفيش يا حبيبتي سرك في بير
بس اوعي متكمليش الباقي عشان لما ابقى افضحك متبقاش في حاجة ناقصة هههههههههه

Anonymous said...

عسل اوي ياكوكي ربنا معاكي بصراحة في وسط جيرانك العسل دول والله انا نفسي يبقي عندي جيران لاني بصرخ من الزهق زيهم كده بس مبلفيش حد اخرج معاه او اروحلة حتي بيته :(((

Anonymous said...

انا رشا فؤاد علي فكرة ومستنية باقي يومياتك علي احر من الجمر لانها بجد بضحكني وبطلعني من المود ياكوكي

حبيبة said...

على فكرة اليوميات جميلة واسلوبك اجمل واستمرى

saso said...
This comment has been removed by the author.
 

يــومــيــات بـــنــوتـــة Template by Ipietoon Blogger Template | Gadget Review