Monday, November 17, 2008

يـــــومـــــــيــــــات بــــنـــوتــــة 4

مرسلة بواسطة pakinam ismail في 12:45 AM





يـــومــيــات بــنــوتــة 4



انا جيت وعملت نسكافيه عشان افوق اه يانى بقيت عامله ولا كأنى أم بجد والله يالهووويز عليا لكون ده الواقع صحيح .. لا يا كوكى فوقى انا لا أم ياسو ولا ميكى ولا مهند .. ياخبر لو بقيت زى شوشو وبيرو ؟ بقلكوا ايه اكملكوا قبل ما اتجنن أحسن !! كنا بنقول ايه ؟ اه رديت ولقيت بيروا بتقولى انا عارفه يا بت انك جدعه بجد وانا النهاردة يوم الكشف بتاعى على المحروس اللى فى بطنى ومعادى النهاردة الساعه 7 كده .. وطبعا بما انى جدعه وهوه ده عيبه نفسى الاقى علاج لقلبى فين وانا أجيبه .. ايه ده ملقتش غير مصطفى قمر واغنيله هيه العمليه ناقصه دانا كمان نسيت احسب المحروس ولا المحروسه اللى فى السكه .. اربعه يا ناس اربعه ما علينا كلنا لها .. قلتلها عنيا طبعا يا بيرو .. وريحت شويه وقمت لبست تانى ما هيه شغلانه بقى .. ولقيتها هتتأخر .. روحت طلعت انا وخبطت عليها .. لقيتها هتلبس الايشارب بس .. والواد ميكى حبيب قلبى سحف وجالى بضحكته العسل اللى بضعف قدامها .. والبيه مهند قال جايبلى التوتشى بتاعته قصدى كوتشى أصلهم عمونى لغات جديده عقبال عندكوا كده .. وبيقولى لبسينى يا كوكى .. الواد بيدلع عليا .. روحت ماسكه الكوتشى وعلى دماغه .. قصدى على رجله وقعد يتمايص حبيتيين وغلبنى حبتيين ولبستهاله .. والست بيرو جهزت وانزلنا هيه شايله ميكى وانا ماسكه مهند فى ايدى .. وركبنا التاكسى وروحنا المستشفى على طول .. والوضع اتغير بقيت انا شايله ميكى وهيه ماسكه مهند ومكنش فى غيرنا تقريباً ورغم كده قعدنا عشر دقايق كده عشان نقطع التذكره .. وفى الاخر قطع لوحده جت بعدنا التذكرة .. قال ايه اصلها معاها فكه واحنا لسه هيدور يفكلنا .. ده على اساس ان الحجز دلوقتى باللى معاه فكه ؟! بس دى حاجه جديدة فى البلد دى ولا ايه .. دى بلد بتاعه فكات يوه شهادات بصحيح .. المهم قطعنا دماغه .. يالهويز هروح فى داهيه .. قطعنا التذكره وطلعنا الدور الاول ولقينا ناس كتير بس الحمد لله مش داخليين عند نفس الدكتورة .. وقعدنا واستنيننا الست الممرضه تنادى علينا .. لكن مفيش حد قالنا حتى سلام عليكو .. لغايه ما جت وناديت اخيراً على دورنا !!وقامت بيرو والواد مهند شبط فيها وقالتلى خلاص يا كوكى معلش خلى ميكى معاكى .. قلتها مفيش مشكله .. وراحت بيرو وفضلت انا والاستاذ ميكى .. وبقيت أهشك وأطبط .. وأدادى البيه كمان وحسيت يا جدعان انى أم بجد واالله يا ناس .. وهوه الصراحه شعور جميل بس محرج قوى .. اصل كل حد معدى يقعد يبصله ويلعبه من بعيد وانا محرجه .. واللى تقولى ابنك جميل قوى .. واللى جبلك يخليلك .. عقدونى منهم لله .. المهم جت واحده ست ومعاها بنت وولد كبير وقعدوا قصادى .. والام قعدت تشاور لسى ميكى وهوه يضحك قوى وفرحان بشبابه . راح الشاب الكبير لما صدق وبقا يعمل زى مامته وبقى يشاور هوه كمان وانا بقيت ابص فى الارض .. واقول يا حيطه دارينى ويا أرض انشقى وابلعينى .. ورحت مديرة الواد خالص عشان الشاب ميستحلاش الموضوع .. هيه سيبه يعنى ولا سيبه




.. وفضلت مستنيه بيروا واتأخرت وكأنها بتولد مش بتكشف .. وصبرت كتيير .. لغايه ما اخيراً وصلت .. وقالتلى معلش يا كوكى اتأخرت عليكى .. وقالتلى انا هنزل الدور اللى تحت اكتب التقرير وجايه على طول !! وسبتنى ومشيت .. والشاب اللطيف اللى عايز .. ما علينا عمال يبص ويبسبس .. مش فاهمه هوه مش المفروض انى بقيت ام ميكى يعنى ولا ايه .. كل ده معجب بميكى .. ده حاجه غلب يا ناس .. روحت اتخنقت واخدت الواد وقلت انزلها وخلاص .. ولقيتها بتعمل سونار عشان تشوف الحروس ولا المحروسه اللى فى السكه .. ولقيت حاجه كده صغيرة مش باين ملامحها وعمال يلعب كورة ولا كراتيه مش عارفه بصراحه ده جيل ما يعلم بيه الا ربنا .. وخلصنا والمسئوله عن التقرير بدأت تكتبه بس ايه بالتصوير البطئ .. وببرود اعصاب ايه .. حتى بيروا فقدت اعصابها وقالتها بسرعه لو سمحت شويه .. راحت رده بكل برود ح ا ض ر .. انا مكتبتش حاضر لانها نطقتها كده بالظبط تخيلوا بقى .. فمسكنا اعصبنا وقعدنا نرغى شويه ومهند عمال يجرى وكأنه فى ملاهى ولا فى مستشفى بابى ؟ لغايه ما جت الممرضه بعد نص ساعه كده وسلمت التقرير الحمد لله .. والواد مهند شبط فيه وشاف صورة اخوه ولا اخته اللى مش بايله ملامح ورماه على الارض .. قلتله كده اخوك يا مهند .. انا زعلانه منك .. راح شايل اخوه اوبس قصدى التقرير من الارض وقالى سورى
وقمنا واخدين بعضنا ومشينا .. وبيروا قالتلى نفسى فى ايس كريم يا كوكى .. قلتلها انتى بتتوحمى تانى ولا ايه .. قالتى معرفش فرصه ان الواحد نزل من البيت شويه قلتها خلاص تعالى .. واحنا نازليين من المستشفى لقيت اللى جاى ورايا .. طبعا عرفتوا مين ؟ روحت مسرعه خطوتى واتكسفت ولزقت فى بيروا ومسكت مهند وهوه راح قايل بصوت عالى يا أنسه تخيلو الجرأة يا أنسه الكارت ده وقع من حضرتك رحت عامله عبيطه ومردتش خالص وبيروا هيه اللى ردت والواد تنح دى واحده شايله عيل وبطنها قدامها وهوه بيقول يا انسه مش يا مدام ههههههه وقالتله نعم قالها الكارت ده وقع من الانسه .. راحت بيروا ماسكه الكارت وبصت فيه ولا أجدع من المخبر وبصتلى كده وفهمت طبعاً وقالتلى بتاعك الكارت ده .. بصيت كده ووشى ضرب ميت لون وقلتلها لا انا موقعش منى حاجه .. الواد يا عينى اتحول وحاس انه لازم ياخد بعضه ويجرى جرى .. هههههه كسفته كسفه راحت بيروا مدياله الكارت ومشينا وقعدنا نضحك وبيروا تقولى ايه ده ؟! هوه ده النظام الجديد فى المعاكسه .. بيوزعوا كروت على طول قلتلها التكنولوجيا يا بيرو ومفيش وقت الكارت مكتوب فيه كل شئ الاسم والاميل والتليفون بدل ما يتعب نفسه ويقولى كل ده .. قالتلى بس هوه شكله مش رومانسى فعشان كده طفشته اوعى تكونى زعلتى .. قلتلها لا خالص .. انا كمان حسيت انه مش عاطفى كده .. ويعنى يوم ما حد يعجب بيا يكون رايح يكشف .. طيب ما يمكن بيكشف مخ وأعصاب .. يبقى ايه العمل وقعدنا نضحك ونتريق



ولقيت عربيه عدت جانبى بسرعه وقال ايه عملى كلاكس بحبك .. بحبك .. الواد طلع زى ما قلت مجنون .. لحقت تحبنى يا بلحه .. هههه فكرنى بمحمود عبد العزيز لما راح ورى مرفت امين فى مستشفى العباسيه وطلع فى واحد شبه جوه اسمه بلحه وكان عيان وافتكروه هوه ومسكوا فيه وقعدوا يقولوله انت هربت تانى يا بلحه هههه وبيروا قالتلى ده ايه الجنان ده .. قلتلها توبه اجى معاكى المستشفى وانا مالى انا انتوا تحملوا وتتعبوا وانا اللى ادبس .. ويوم ما حد يعجب بيا يكون شكله بلحه .. يالهويززززززززززززززز عليا .. يعنى مفيش امل ولا ايه ؟! لما اروح اخد قرصين كيتوفان ياحسن الواد رفعلى الضغط وجابلى صداع ادعولى يا احسن ابن الايه ده احبطنى ابو كارت ده .. لو كان خط بيزنس مش يمكن كنت فكرت ؟


ضع تعليقك

14 التعليقات:

Anonymous said...

hahaha! to7fa ya baki elyom da we tare2tk fy el7aky masha2allh lazeza awy..

Enty 3mal 3lfacebook?? y didn't u add me???????

ana Wesam. Fakrany? :DDDDD

pakinam ismail said...

hiii wesam merciii kteear ya soker

we entazryyy ba2y el yomeat

:))

add me wesam ok ?

see you

:))

Anonymous said...

hahaha! to7fa ya koki

mevo said...

جميل يا كوكي مستنيه الباقي يا قمر

pakinam ismail said...

مرسى ايمان انا سعيده انها عجبتك وعقبال باقى اليوميات

:)

pakinam ismail said...

اهلا ميفوووو من عنيا يا جميله انتظرى المزيد

وتسلميلى على مشاركتك الحلوة

Moon said...

هاى بنوتة هههههههههههه يا نهار ده انتى كارثة و الله بس مغامرة حلو اديكة تقمصتى شخصية نانسى وقعدتى تطبطبى و تدلعى و اهو خبرة و كمان عيشتى قصة عدوية شيل الواد من الارض ادى الواد لبيرو ههههههههه و كله كوم و بلحة كوم يا بنتى بتقطعى برزقك ليه ربنا بعتلك كارت بكرة يجى صاحب الكارت شاذجة ، بجد بجد دمك شربت و اسلوبك تلاقائى " مش عارف بتتكت كده ولا ايه المهم انتى تقائية و هو ده المطلوب " يا ريت تتحفينا دايما باسلوب العسل ده

pakinam ismail said...

مرسى مون شكلك فرحانه فيا وعجبتك المغامرة ولا ايه

:))

حرام عليكى يعنى اخرتى واحد بلحه ههههههه

انتى بتعزينى كده

:))

عموما نورتينى ويارب كل اليوميات تعجبك

ومرسى لوجودك

Mostafa said...

المدونه بقت تحفه يا كوكى بجد انت شاطره ظبطيها وبقت آخر جمال

انا رانيا مصطفى بس تقريبا
الاكونت ده بتاع مصطفى ومكسله افتح الاكونت بتاعى

pakinam ismail said...

اهلا رونى منورنى كالعاده بتشجيعك الجميل

وادعيلى وان شاء الله اظبطها اكتر وانزل باقى اليوميات كمان

ومستنياكى تشاركينى دايما

وتعمليلى اجمل دعايه كمان

:)

وردة said...

ازيك يا بنوتة ولا تحبي اقولك يا كوكي
ههههههههههههههههه
مدونتك جميلة واسلوبك سلس وبيدخل القلب علي طوووووووول
في انتظار باقي اليوميات
بس ليه مأختيش الكارت كان ينفع برضو
هههههههههههههه
ربنا معاكي
والف مبروكِ

pakinam ismail said...

انا الحمد لله بخير اهلا يا اجمل وردة

مرسى يا جميله لمشاركتك الحلوة دى ورايك الجميل فى المدونة

هههههههه ما قلت لو كان خط كان ممكن

ويارب تشاركينى دائما وانتظرى المزيد قريبا

وياريت تتابعى اليوميات اللى فاتت 1 و 2 و3

واحب اعرف رايك

:)

mahmoudel_kon said...

ايوة يا كوكي انا صاحب الكارت
ههههههههههههههه
لالالالالا ما تخافيش مش انا
انا القن من جروب مخطوبين ولكن؟؟؟؟؟؟؟
بجد مفيش اجمل ولا اروع من كدة والله اسلوب ما شاء الله عليه ودك خفيف اوي
مستني باقي اليوميات.
او اقولك اعمليها سيناريو مسلسل كوميدي والله الكل هيحبه.

pakinam ismail said...

اهلا بيك ومرسى لمشاركتك ورأيك وانتظر باقى اليوميات

ودعواتك ان شاء الله تنجح بمشاركتكم

 

يــومــيــات بـــنــوتـــة Template by Ipietoon Blogger Template | Gadget Review